Ministri në detyrë i Bujqësisë, Faton Peci tha LVV-ja do t’i sigurojë 61 votat e nevojshme për formimin e qeverisë së re.

Pas dështimit të zgjedhjes së Albulena Haxhiut si kryetare e Kuvendit, Peci theksoi se VV do të vendos nëse do të vazhdojnë me këtë kandidat për kryeparlamentar apo do të ndryshojnë.

“Vetëvendosje vendos nëse vazhdon sërish me Albulena Haxhiun apo jo. Është çështje e struktures së Vetëvendosjes se kënd e propozojnë për kryetare të Kuvendit”, tha Peci;

“Nuk pranojmë imponime nga jashtë”, tha ai, pak pasi kreu i AAK-së, Ramush Haradinaj, tha se ata do të votonin pro Saranda Bogujevcit dhe Shqipe Selimit për postin e kryeparlamentares.

Peci gjithashtu shtoi se nuk ka pasur dorëheqje të reja dhe se ai do të vazhdojë ta kryejë detyrën e ministrit të Bujqësisë deri të formohet një qeveri e re.

Kujtojmë se pro zgjedhjes së Haxhiut për kryekuvendare kanë votuar 57 deputetë, kundër 20 dhe tri abstenime nga Nisma.

Deputetët e LDK-së votuan kundër, ndërsa ata të PDK’së AAK-së nuk morën pjesë në votim. /Arbresh.info